ਕਵੀ ਤੇ ਕਵਿਤਾਵਾਂ (12ਵੀਂ - ਲਾਜ਼ਮੀ ਪੰਜਾਬੀ) ਛੋਟੇ ਪ੍ਰਸ਼ਨ-ਉੱਤਰ

ਪ੍ਰ.1 - 'ਟੁਕੜੀ ਜੱਗ ਤੋਂ ਨਯਾਰੀ' ਕਵਿਤਾ ਦੇ ਕਵੀ ਦਾ ਨਾਂ ਦੱਸੋ।

ਉ.- ਭਾਈ ਵੀਰ ਸਿੰਘ ।

ਪ੍ਰ.2 - 'ਟੁਕੜੀ ਜੱਗ ਤੋਂ ਨਯਾਰੀ' ਕਵਿਤਾ ਵਿੱਚ ਖ਼ੁਸ਼ੀਆਂ ਨੇ ਕਿਸ ਨੂੰ ਛਹਿਬਰ ਲਾਈ ਹੈ ?

ਉ.- ਕਸ਼ਮੀਰ ਦੀ ਧਰਤ ਨੂੰ

ਪ੍ਰ.3- 'ਟੁਕੜੀ ਜੱਗ ਤੋਂ ਨਯਾਰੀ' ਕਵਿਤਾ ਵਿਚ ਚਸ਼ਮੇ, ਨਾਲ਼ੇ, ਨਦੀਆਂ ਅਤੇ ਸਮੁੰਦਰ ਕਿਸ ਤਰ੍ਹਾਂ ਜਾਪ ਰਹੇ ਸਨ ?

ਉ. - ਨਿੱਕੇ ਤੇ ਨਿਆਰੇ ਜਿਵੇਂ ਨਿੱਕੇ ਨਿੱਕੇ ਸਮੁੰਦਰ ਹੋਣ।

ਪ੍ਰ.4 - 'ਟੁਕੜੀ ਜੱਗ ਤੋਂ ਨਯਾਰੀ' ਕਵਿਤਾ ਅਨੁਸਾਰ 'ਮੁੱਠੀ' ਵਿਚ ਕੀ ਆਇਆ ?

ਉ. - ਪਰਬਤ, ਟਿੱਬੇ, ਕਰੇਵੇ, ਮੈਦਾਨ, ਚਸ਼ਮੇ, ਨਾਲ਼ੇ, ਨਦੀਆਂ, ਝੀਲਾਂ ਆਦਿ।

ਪ੍ਰ.5- 'ਛੋਟੀਆਂ ਕਵਿਤਾਵਾਂ ਦਾ ਵੱਡਾ ਕਵੀ' ਕਿਸ ਨੂੰ ਕਿਹਾ ਗਿਆ ?

ਉ. - ਭਾਈ ਵੀਰ ਸਿੰਘ ਨੂੰ।

ਪ੍ਰ.6- ਪ੍ਰੋ.ਪੂਰਨ ਸਿੰਘ ਦੀ ਕਿਹੜੀ ਕਵਿਤਾ 12ਵੀਂ ਜਮਾਤ ਦੀ ਲਾਜ਼ਮੀ ਪੰਜਾਬੀ ਵਿਚ ਸ਼ਾਮਲ ਕੀਤੀ ਗਈ ਹੈ ?

ਉ. - ਪੁਰਾਣੇ ਪੰਜਾਬ ਨੂੰ ਆਵਾਜ਼ਾਂ

ਪ੍ਰ.7 - ਪੰਜਾਬੀ ਵਿੱਚ ਖੁਲ੍ਹੀ ਕਵਿਤਾ ਲਿਖਣ ਵਾਲਾ ਪਹਿਲਾ ਕਵੀ ਕੌਣ ਹੈ ?

ਉ. - ਪ੍ਰੋਫ਼ੈਸਰ ਪੂਰਨ ਸਿੰਘ

ਪ੍ਰ.8 - ਪੁਰਾਣੇ ਪੰਜਾਬ ਨੂੰ ਆਵਾਜ਼ਾਂ ਕਵਿਤਾ ਅਨੁਸਾਰ ਕਵੀ ਭਾਈਚਾਰੇ ਬਾਰੇ ਕਿਸ ਤੋਂ ਪੁੱਛਦਾ ਹੈ ?

ਊ. - ਇੱਕ ਪੜ੍ਹੇ ਨੌਜਵਾਨ ਤੋਂ ।

ਪ੍ਰ.9- ਪੁਰਾਣੇ ਪੰਜਾਬ ਨੂੰ ਆਵਾਜ਼ਾਂ ਕਵਿਤਾ ਵਿੱਚ ਪੁਰਾਣੇ ਪੰਜਾਬ ਵਿਚ ਸੱਸਾਂ ਦੇ ਦਿਲ ਕਿਹੋ ਜਿਹੇ ਸਨ ?

ਉ. - ਸਮੁੰਦਰਾਂ ਵਰਗੇ ਦਿਲ।

ਪ੍ਰ.10- ਵਗਦੇ ਪਾਣੀ ਕਵਿਤਾ ਦੇ ਕਵੀ ਦਾ ਨਾਮ ਦੱਸੋ।

ਉ.- ਡਾ. ਦੀਵਾਨ ਸਿੰਘ ਕਾਲੇਪਾਣੀ

ਪ੍ਰ.11 - ਡਾ. ਦੀਵਾਨ ਸਿੰਘ ਕਾਲੇਪਾਣੀ ਦੀਆਂ ਕਾਵਿ-ਕਿਤਾਬਾਂ ਦੇ ਨਾਮ ਦੱਸੋ।

ਉ.- ੧) ਵਗਦੇ ਪਾਣੀ

      ੨) ਮਲ੍ਹਿਆਂ ਦੇ ਬੇਰ

      ੩) ਅੰਤਿਮ ਲਹਿਰਾਂ

ਪ੍ਰ.12 - ਵਗਦੇ ਪਾਣੀ ਕਵਿਤਾ ਅਨੁਸਾਰ ਖੜ੍ਹੇ ਪਾਣੀ ਨਾਲ਼ ਕੀ ਵਾਪਰਦਾ ਹੈ ?

ਉ. - ਬੁਸ ਜਾਂਦੇ ਭਾਵ ਮੁਸ਼ਕ ਮਾਰਨ ਲੱਗ ਜਾਂਦੇ ਹਨ।

ਪ੍ਰ.13 - ਵਗਦੇ ਪਾਣੀ ਕਵਿਤਾ ਵਿਚ ਕਿਹੜਾ ਭਾਵ ਪ੍ਰਬਲ ਰੂਪ ਵਿਚ ਪ੍ਰਗਟ ਹੁੰਦਾ ਹੈ ?

ਉ. - ਗਤੀਸ਼ੀਲ ਜੀਵਨ ਦਾ ।

ਪ੍ਰ.14 - 'ਤਾਜ ਮਹਲ' ਕਵਿਤਾ ਦੇ ਕਵੀ ਦਾ ਨਾਮ ਦੱਸੋ।

ਉ.- ਪ੍ਰੋ. ਮੋਹਨ ਸਿੰਘ

ਪ੍ਰ.15 - ਪ੍ਰੋ. ਮੋਹਨ ਸਿੰਘ ਦੇ ਕਿਸੇ ਦੋ ਕਾਵਿ-ਸੰਗ੍ਰਹਾਂ ਦੇ ਨਾਮ ਦੱਸੋ।

ਉ.- ੧) ਸਾਵੇ ਪੱਤਰ

      ੨) ਅਧਵਾਟੇ

      ੩) ਬੂਹੇ

ਪ੍ਰ.16- ਪ੍ਰੋ. ਮੋਹਨ ਸਿੰਘ ਨੇ ਕਿਹੜਾ ਮਹਾਂਂ-ਕਾਵਿ ਲਿਖਿਆ ?

ਉ. - ਨਨਕਾਇਣ

ਪ੍ਰ.17- 'ਏਸ਼ੀਆ ਦਾ ਚਾਨਣ' ਕਿਸ ਵਲੋਂ ਅਨੁਵਾਦ ਕੀਤਾ ਗਿਆ ?

ਉ. - ਪ੍ਰੋ. ਮੋਹਨ ਸਿੰਘ ਵਲੋਂ।

ਪ੍ਰ.18- ਕਵੀ ਤਾਜ ਮਹਲ ਵੇਖ ਕੇ ਕਿਹੜੇ ਮੁਗ਼ਲ ਸਮਰਾਟ ਦੀਆਂ ਸਿਫ਼ਤਾਂ ਕਰਦਾ ਹੈ ?

ਉ. - ਸ਼ਾਹ ਜਹਾਨ ਦੀਆਂ

ਪ੍ਰ.19- ਪ੍ਰੋ. ਮੋਹਨ ਸਿੰਘ ਦੀ ਕਵਿਤਾ ਅਨੁਸਾਰ ਕੰਮ ਕਰਨ ਵਾਲ਼ੇ ਮਜ਼ਦੂਰਾਂ ਦੇ ਹੱਥਾਂ-ਪੈਰਾਂ ਦੀ ਕਿਸ ਤਰ੍ਹਾਂ ਦੀ ਹਾਲਤ ਹੈ ?

ਉ.- ਹੱਥਾਂ 'ਤੇ ਛਾਲੇ ਹੀ ਛਾਲੇ ਹਨ ਤੇ ਪੈਰ ਬਿਆਈਆਂ ਪਾਟੇ।

ਪ੍ਰ.20- ਤਾਜ ਮਹਿਲ ਕਵਿਤਾ ਪੜ੍ਹਕੇ ਕਵੀ ਦੀ ਹਮਦਰਦੀ ਕਿਸ ਧਿਰ ਵੱਲ ਜਾਪਦੀ ਹੈ ?

ਉ. - ਸ਼ੋਸ਼ਿਤ ਧਿਰ ਵੱਲ

ਪ੍ਰ.21 - ਚੁੰਮ ਚੁੰਮ ਰੱਖੋ ਕਵਿਤਾ ਕਿਸ ਨੇ ਲਿਖੀ ?

ਉ. - ਨੰਦ ਲਾਲ ਨੂਰਪੁਰੀ ਨੇ।

ਪ੍ਰ.22 - ਨੰਦ ਲਾਲ ਨੂਰਪੁਰੀ ਨੇ ਭਗਤ ਸਿੰਘ ਦੀ ਸ਼ਹੀਦੀ ਬਾਰੇ ਕਿਹੜਾ ਗੀਤ ਲਿਖਿਆ ?

ਉ.- ਮੈਂ ਵਤਨ ਦਾ ਸ਼ਹੀਦ

ਪ੍ਰ.23- ਨੰਦ ਲਾਲ ਨੂਰਪੁਰੀ ਦੇ ਲਿਖੇ ਕੋਈ ਦੋ ਕਾਵਿ-ਗੀਤ ਸੰਗ੍ਰਹਿ ਦੱਸੋ।

ਉ.- ੧) ਪੰਜਾਬ ਬੋਲਿਆ

      ੨) ਆਖ਼ਰੀ ਸੁਗਾਤ

      ੩) ਸੁਗਾਤ

      ੪) ਨੂਰਪੁਰੀ ਦੇ ਗੀਤ

ਪ੍ਰ. 24 - 'ਚੁੰਮ ਚੁੰਮ ਰੱਖੋ' ਕਵਿਤਾ ਵਿਚ ਦਸਮ ਪਿਤਾ ਦੇ ਕਿਹੜੇ ਸਾਹਿਬਜ਼ਾਦੇ ਦੀ ਕਲਗੀ ਨੂੰ ਚੁੰਮ ਕੇ ਰੱਖਣ ਦਾ ਜ਼ਿਕਰ ਹੈ ?

ਉ. - ਸਾਹਿਬਜ਼ਾਦੇ ਜੁਝਾਰ ਦੀ।

ਪ੍ਰ.25- ਦੋਸਤਾ ਕਵਿਤਾ ਕਿਸ ਕਵੀ ਨੇ ਲਿਖੀ ਹੈ ?

ਉ.- ਪਿਆਰਾ ਸਿੰਘ ਸਹਿਰਾਈ ਨੇ।

ਪ੍ਰ.26- 'ਦੋਸਤਾ' ਕਵਿਤਾ ਕਵੀ ਦੇ ਕਿਸ ਕਾਵਿ ਸੰਗ੍ਰਹਿ ਵਿਚੋਂ ਲਈ ਗਈ ਹੈ ?

ਉ. - ਵਣ-ਤ੍ਰਿਣ 'ਚੋਂ

ਪ੍ਰ.27- ਪਿਆਰਾ ਸਿੰਘ ਸਹਿਰਾਈ ਦੇ ਕਿਸੇ ਦੋ ਕਾਵਿ ਸੰਗ੍ਰਹਾਂ ਦੇ ਨਾਮ ਦੱਸੋ।

ਉ.- ੧) ਸਹਿਰਾਈ ਪੰਛੀ

     ੨) ਤਾਰਿਆਂ ਦੀ ਲੋਅ

     ੩) ਧਰਤੀ ਦੇ ਗੀਤ

      

ਪ੍ਰ.28- ਕਵਿਤਾ 'ਦੋਸਤਾ' ਅਨੁਸਾਰ ਨਵਾਂ ਨਾਚ ਸਰੀਰ ਦੇ ਕਿਸ ਅੰਗ ਵਿਚ ਧੜਕਦਾ ਹੈ ?

ਉ. - ਪੈਰਾਂ ਵਿੱਚ।

ਪ੍ਰ.29- ਦੋਸਤਾ ਕਵਿਤਾ ਅਨੁਸਾਰ ਮਨੁੱਖ ਦੀ ਮੰਜ਼ਲ ਕਿੰਨੀ ਕੁ ਵਿੱਥ 'ਤੇ ਨਜ਼ਰ ਆਉਂਦੀ ਹੈ ?

ਉ.- ਦੋ ਕਦਮ ਦੀ ਵਿੱਥ 'ਤੇ।

ਪ੍ਰ.30 - ਵਾਰਸ ਸ਼ਾਹ ਕਵਿਤਾ ਪੰਜਾਬੀ ਦੀ ਕਿਸ ਕਵਿੱਤਰੀ ਨੇ ਰਚੀ ?

ਉ. - ਅੰਮ੍ਰਿਤਾ ਪ੍ਰੀਤਮ ਨੇ।

ਪ੍ਰ.31 - ਵਾਰਸ ਸ਼ਾਹ ਕਵਿਤਾ ਕਿਸ ਦੁਖ਼ਾਤ ਨਾਲ ਸੰਬੰਧਿਤ ਹੈ ?

ਉ.- ਲਕੀਰ ਦੇ ਦੁਖਾਂਤ / ਦੇਸ-ਵੰਡ ਦੇ ਦੁਖ਼ਾਤ ਨਾਲ।

ਪ੍ਰ.32- ਅੰਮ੍ਰਿਤਾ ਪ੍ਰੀਤਮ ਦੀ ਕਵਿਤਾ 'ਵਾਰਿਸ ਸ਼ਾਹ' ਵਿੱਚ ਕਿਹੜੇ ਪ੍ਰੀਤ-ਨਾਇਕਾ/ਨਾਇਕਾਵਾਂ ਦਾ ਜ਼ਿਕਰ ਹੋਇਆ ਹੈ ?

ਉ. - ਹੀਰ - ਰਾਂਝੇ 

ਪ੍ਰ.33- ਮੇਰਾ ਬਚਪਨ ਕਵਿਤਾ ਦੇ ਕਵੀ ਦਾ ਨਾਮ ਦੱਸੋ।

ਉ.- ਹਰਿਭਜਨ ਸਿੰਘ।

ਪ੍ਰ.34- 'ਮੇਰਾ ਬਚਪਨ' ਕਵਿਤਾ ਵਿਚ ਕਿਸ ਰਿਸ਼ਤੇ ਦੀ ਗ਼ੈਰਹਾਜ਼ਰੀ ਕਾਰਨ ਬੱਚੇ ਦਾ ਬਚਪਨ ਰੁਲ਼ ਜਾਂਦਾ ਹੈ ?

ਉ.- ਬਾਪ ਦੀ ਗ਼ੈਰਹਾਜ਼ਰੀ ਕਾਰਨ।

ਪ੍ਰ.35- 'ਮੇਰਾ ਬਚਪਨ' ਅਨੁਸਾਰ ਪੁੱਤਰ ਦੇ ਛੇਤੀ ਛੇਤੀ ਗੱਭਰੂ ਹੋਣ ਦੀ ਲੋਚਾ ਕਿਸ ਦੇ ਮਨ ਵਿੱਚ ਹੈ ?

ਉ. - ਮਾਂ ਦੇ ਮਨ ਵਿਚ।

ਪ੍ਰ.36- ਪੀੜਾਂ ਦਾ ਪਰਾਗਾ 'ਗੀਤ' ਕਿਸ ਦੀ ਰਚਨਾ ਹੈ ?

ਉ. - ਸ਼ਿਵ ਕੁਮਾਰ ਬਟਾਲਵੀ ਦੀ।

ਪ੍ਰ.37- ਬਿਰਹਾ ਦਾ ਕਵੀ ਕੌਣ ਅਖਵਾਇਆ ?

ਉ. - ਸ਼ਿਵ ਕੁਮਾਰ ਬਟਾਲਵੀ ਨੂੰ।

ਪ੍ਰ.38- 'ਐਵੇਂ ਨਾ ਬੁੱਤਾਂ 'ਤੇ ਡੋਲ੍ਹੀ ਜਾ ਪਾਣੀ' ਕਿਸ ਦੀ ਸਿਰਜਣਾ ਹੈ ?

ਉ. - ਡਾ. ਸੁਰਜੀਤ ਪਾਤਰ ਦੀ।